सलाहुद्दीन शेख

बदलापुर पुर्व पोलीस ठाणे, ठाणे शहर आणि गंगामाता वाहन शोध संस्थेने गुन्ह्यात जप्त/बेवारस वाहनांच्या मुळ मालकांचा लावला शोध……

बदलापुर पुर्व पोलीस ठाणे येथे गुन्ह्यातील जप्त / बेवारस एकुण ५५ वाहने पोलीस ठाणेच्या आवारात बऱ्याच वर्षापासून धुळखात पडून आहेत. उन, वारा, पाऊसामुळे त्यांना गंज लागून वाहनांची झीज झाली आहे. बऱ्याच वाहनावरील रजिस्ट्रेशन नंबर, चेसीस नंबर, इंजिन नंबर गंजलेले आहेत. त्यामुळे शोध घेताना बरीच अडचण येत आहे. तसेच सदर ठिकाणी दुर्गधी पसरल्याने पोलीसांच्या आरोग्याला धोका निर्माण होण्याची शक्यता नाकारता येत नाही. म्हणून बेवारस वाहने ज्या मालकांची आहेत त्यांनी आपल्या वाहनांची कागदपत्रे बदलापुर पुर्व पोलीस ठाणे येथे दाखवून सात दिवसांच्या आत घेवून जावे अन्यथा पोलीसांकडून त्या वाहनांची कायदेशीर प्रकीया पुर्ण करण्यात येईल असे आवाहन बदलापुर पुर्व पोलीस ठाण्याचे वरीष्ठ पोलीस निरीक्षक, किरण बालवडकर यांनी केले आहे.

पोलीस ठाणेत शेकडो वाहने विविध गुन्ह्यात पोलीस जप्त करतात मात्र न्यायालयीन प्रकीयेमुळे व बेवारस वाहनांचे मालक मिळून येत नसल्याने ती वाहने पोलीस ठाण्याच्या आवारात अनेक वर्ष मालकांच्या प्रतिक्षेत धुळ खात पडून आहेत. या पार्श्वभुमीवर ठाणे शहरचे पोलीस आयुक्त आशुतोष डुंबरे, पोलीस सह आयुक्त ज्ञानेश्वर चव्हाण, अप्पर पोलीस आयुक्त पुर्व प्रादेशिक विभाग संजय जाधव, परिमंडळ ४ उल्हासनगर पोलीस उप आयुक्त सचिन गोरे, अंबरनाथ विभागाचे सहा. पोलीस आयुक्त/शैलेश काळे, यांनी बेवारस वाहनांच्या मालकांचा शोध घेवून ती वाहने मुळ मालकांच्या ताब्यात देण्याचे आदेश प्रभारी अधिकारी यांना दिले आहेत. त्यानुसार वरीष्ठ पोलीस निरीक्षक किरण बालवडकर, बदलापुर पुर्व पोलीस ठाणे यांच्या मार्गदर्शनानुसार पोलीस निरीक्षक (गुन्हे) राजेश गज्जल, सहापोउपनिरी/झुंजारराव, पोहवा / २७९७ राठोड, पोशि/७००६. खेडकर यांचे पथक नेमून त्यांना आदेश दिले. त्यासाठी नमुद पथकाने परंदवाडी, तळेगांव दाभाडे, ता. मावळ, जि. पुणे येथील महाराष्ट्रात अग्रेसर असलेल्या गंगामाता वाहन शोध संस्थेचे अध्यक्ष राम उदावंत यांची माहिती काढून त्यांची मदत घेतली. राम उदावंत यांनी बदलापुर पुर्व पोलीस ठाणे येथे येवून सर्व वाहनांची पाहणी केली. वर नमूद अंमलदारांच्या मदतीने सर्व वाहनांचे चेसीस नंबर, इंजिन नंबर क्रमांकावरून वाहनांच्या मुळ मालकाचा शोध घेण्याकरीता प्रादेशिक परीवहन विभाग, कल्याण येथे पत्रव्यवहार करून मुळ मालकांचा शोध लावला. त्या मुळ मालकांना समजपत्र पाठवून ज्या मालकांची वाहने असतील त्यांनी बदलापुर पुर्व पोलीस ठाण्यात येवून आपले वाहन तपासून खात्री करून कागदपत्रे दाखवून योग्य ती कायदेशीर प्रकिया पुर्ण करून घेवून जाण्याचे आवाहन करण्यात आले. तसेच गंगामाता वाहंन शोध संस्थेच्या मदतीने वाहन मालकांना पत्र पाठविण्यात येणार आहे. तरी सदरच्या वाहन मालकांनी पत्र मिळताच आपले वाहन आठ दिवसांत बदलापुर पुर्व पोलीस ठाणे येथुन घेवून जाण्याचे आवाहन करण्यात आले.

तरी सदरची वाहने घेवून न गेल्यास कायदेशीर प्रक्रीया पुर्ण करून त्यांचा लिलाव केला जाईल व त्यातून आलेली रक्कम सरकारी तिजोरीत भरण्यात येईल असे वरीष्ठ पोलीस निरिक्षक किरण बालवडकर यांनी सांगितले आहे.