संदिप कसालकर
अंधेरीतील सेंट अरनॉल्ड शाळेसंदर्भात चॉकलेट वाटपाच्या अमिषाची एक बातमी काल प्रसारित झाली होती, जी मुलांच्या सुरक्षेसाठी जनजागृतीपर होती. मात्र, प्रत्यक्ष शाळेच्या आवारात किंवा परिसरात अशा कोणत्याही घटना घडलेल्या नाहीत, हे स्पष्ट झाले आहे. शाळेतील विद्यार्थी, पालक आणि शिक्षकांमध्ये सुरक्षिततेबाबत सतर्कता निर्माण करण्यासाठीच हा संदेश देण्यात आला होता.

सेंट अरनॉल्ड शाळा: गुणवत्तापूर्ण शिक्षण व सुरक्षिततेला सर्वोच्च प्राधान्य
सेंट अरनॉल्ड शाळा ही अंधेरीतील एक नामांकित शैक्षणिक संस्था असून, आपल्या उत्कृष्ट शिक्षण प्रणाली, आधुनिक तंत्रज्ञानाच्या वापरासह मूल्याधिष्ठित शिक्षणावर भर देणारी शाळा म्हणून ओळखली जाते. शालेय अभ्यासक्रमासोबत विद्यार्थ्यांच्या सर्वांगीण विकासासाठी कला, क्रीडा, विज्ञान, वाचन आणि नैतिक शिक्षणालाही महत्त्व दिले जाते. विद्यार्थ्यांचे शैक्षणिक आणि मानसिक विकासासोबतच सुरक्षिततेबाबतही शाळा अत्यंत सजग आहे.
शाळेचा संपूर्ण परिसर CCTV निगराणीखाली असून, शालेय विद्यार्थ्यांच्या सुरक्षिततेसाठी प्रशिक्षित सुरक्षा रक्षक आणि जबाबदार शालेय कर्मचारी सदैव तैनात असतात.

विद्यार्थ्यांनी सुरक्षेबाबत जागरूक राहावे
लहान मुले अनेकदा अशा प्रलोभनांना बळी पडण्याची शक्यता असते, त्यामुळे पालकांनी आणि शिक्षकांनी त्यांना सतत जागरूक ठेवण्याची गरज आहे. कोणतीही अनोळखी व्यक्ती त्यांच्या वाटेत येऊन चॉकलेट, गोळ्या किंवा इतर खाद्यपदार्थ देऊ करत असल्यास, त्यांनी ते स्वीकारू नयेत आणि तत्काळ आपल्या पालकांना किंवा शिक्षकांना याची माहिती द्यावी.

सुरक्षिततेबाबत जागरूकता हाच सर्वोत्तम उपाय
सध्याच्या काळात मुलांच्या सुरक्षेचा प्रश्न अत्यंत महत्त्वाचा आहे. विविध घटनांमधून हे सिद्ध झाले आहे की, अनोळखी व्यक्तींच्या भूलथापांना बळी पडणे हे मुलांसाठी धोकादायक ठरू शकते. त्यामुळे समाजातील प्रत्येक नागरिकानेही अशा गोष्टींबाबत सतर्क राहणे गरजेचे आहे.

सेंट अरनॉल्ड शाळा: शिक्षण, सुरक्षा आणि संस्कार यांचे परिपूर्ण केंद्र
पालक, शिक्षक आणि स्थानिक प्रशासनाने एकत्र येऊन मुलांच्या सुरक्षिततेसाठी योग्य पावले उचलण्याची गरज आहे. विद्यार्थ्यांनीही आपल्या सुरक्षेबाबत जागरूक राहावे आणि कोणत्याही संशयास्पद गोष्टी आढळल्यास तत्काळ योग्य व्यक्तींशी संपर्क साधावा.

सेंट अरनॉल्ड शाळा केवळ शिक्षण देणारी संस्था नसून, विद्यार्थ्यांच्या उज्ज्वल भविष्याची शाश्वती देणारे ज्ञानमंदिर आहे!