सलाहुद्दीन शेख

उपनगर पोलीस स्टेशन, नाशिक शहर आणि गंगामाता वाहन शोथ सस्थेने गुन्हयात जप्त /बेवारस वाहनाचा गाडयांच्या मुळमालकाचा शोध लावला.

उपनगर पोलीस स्टेशन नाशिक शहर कडे गुन्हयातील जप्त / बेवारस मालमत्तेतील एकुण ३६ वाहने उपनगर पोलीस स्टेशन च्या अवारात बऱ्याच कालावधी पासुन जमा आहेत. ही दुचाकी वाहने बेवारस अवस्थेत अनेक वर्षापासुन धुळ खात पडुन आहेत. गंज लागुन वाहनाची झीज झाली आहे. सदर ठिकाणी दुर्गंदी पसरल्याने आरोग्याला धोका निर्माण होण्याची शक्यता नाकारता येत नाही म्हणुन बेवारस वाहने ज्या मालकांची आहेत त्यांनी आपल्या वाहनाची कागदपत्रे दाखवुन सात दिवसाच्या आत घेवुन जावेत अन्यथा पोलीसांकडुन त्या वाहनाची कायदेशीर प्रक्रीया पुर्ण करण्यात येईल असे आवाहन उपनगर पोलीस स्टेशन नाशिक शहरचे वरिष्ठ पोलीस निरीक्षक जितेंद्र सपकाळे यांनी केले आहे.

पोलीस ठाणेस शेकडो वाहने विविध गुन्हयात पोलीस जप्त करतात मात्र न्यायालयीन प्रक्रीयेमुळे व बेवारस वाहनाचे मालक मिळुन येत नसल्याने ही वाहने पोलीस ठाणेच्या आवारात अनेक वर्ष मालका च्या प्रतीक्षेत धुळ खात पडुन आहेत या पार्श्वभुमीवर नाशिक शहर मा. पोलीस आयुक्त संदिप कर्णीक साहेब यांनी बेवारस वाहनांच्या मालकाचा शोध घेवुन ती वाहने त्यांच्या ताब्यात देण्याचे आदेश प्रभारी अधिकाऱ्यांना दिले. त्यानुसार,पोलीस उप आयुक्त, (मुख्यालय) चंद्रकांत खांडवी तसेच, पोलीस उप आयुक्त परिमंडळ-२ मोनिका राउत मॉडम व सहा. पोलीस आयुक्त साो, (नाशिकरोड विभाग) सचिन बारी व उपनगर पोलीस स्टेशन चे वरिष्ठ पोलीस निरीक्षक जितेंद्र सपकाळे यांचे मार्गदर्शनानुसार पोलीसांनी बेवारस वाहनाच्या मालकांचा शोध घेण्यास सुरूवात केली त्यासाठी पोलीसांनी परंदवाडी तळेगाव दाभाडे, ता मावळ, जि पुणे येथील महाराष्ट्रात अग्रसर असलेल्या गंगामाता वाहन शोध संस्थेची मदत घेतली या संस्थेचे अध्यक्ष राम उदावंत यांनी उपनगर पोलीस ठाण्यात येवुन बेवारस अवस्थेत असलेल्या वाहनाची पाहणी केली राम उदावंत व पोलीसांनी बेवारस वाहनांचे चेसीस नं व इंजिन क्रमाकांवरून दोन दिवसात ३६ वाहनाच्या मुळ मालकाचा शोध लावला. त्यासाठी वरिष्ठ पोलीस निरीक्षक जितेंद्र सपकाळे (मु‌द्देमाल कारकुन सपोउनि सुधिर साळवे) पोनि संजीवकुमार फुलपगारे, श्रेणीपोउनि सुरेश गवळी यांच्यासह गंगामाता वाहन शोध संस्थेचे अध्यक्ष राम उदावंत, व उपाध्यक्ष बाबासाहेब बागडे यांनी परिश्रम घेतले. तसेच ज्या मालकाची वाहने असतील त्यांनी पोलीस ठाणेस येवुन आपले वाहन तपासुन/खात्री करून घेवुन जावे. गंगामाता वाहन शोध संस्थेच्या मदतीने पत्रव्यवहार करण्यात येणार आहे तरी वाहन मालकांनी पत्र मिळताच आपले वाहन ०८ दिवसात घेवुन जावे.

तरी सदरची वाहने ही घेवुन न गेल्यास कायदेशीर प्रक्रीया पुर्ण करून त्यांचा लिलाव केला जाईल व त्यातुन आलेली रक्कम ही सरकारी तिजोरीत भरण्यात येईल असे वरिष्ठ पोलीस निरीक्षक जितेंद्र सपकाळे यांनी सांगीतले आहे.

टिप : असा लावला जातो शोध-

सुरवातीला वाहनाचे चेसीस व इंजीन नंबर यांची यादी केली जाते. त्यानंतर वाहनाची विभागणी करून बेवारस, अपघात व गुन्हयातील वाहने अशी वर्गवारी करून प्रादेशिक परिवहन विभाग यांना पत्रव्यवहार करून यांचे मार्फतीने मुळ मालकाचा घराचा पत्ता शोधला जातो. मुळ मालकाला सदर वाहनाची खात्री करून अटी शर्तीवर कायदेशिर प्रक्रीया पुर्ण करून ताब्यात दिली जाते. अनेकदा वाहन मालकाचा जुना पत्ता रजिस्टर नोंद असल्याने मालक त्या पत्यावर मिळुन येत नाही. वाहनाची बारकाईने माहिती गोळा करून मुळ मालका पर्यंत पोहचण्याचा प्रयत्न केला जातो. असे संस्थेचे अध्यक्ष राम उदावंत यांनी सांगितले.