दिनेश गाडगे

९० वाहनांच्या मुळमालकांचा लागला शोध शिक्रापूर पोलीस : गंगामाता वाहन शोध संस्थेचा उपक्रम

पोलीस ठाण्याच्या आवारात पुण्यातील बेवारस व अपघातातील वाहने
पुणे शिक्रापूर पोलीस ठाण्याच्या आवारात ९० वाहने गुन्ह्यातील व बेवारस अवस्थेत अनेक वर्षापासून एकाच जागेवर उभे आहेत. त्यामुळे आरोग्याचा धोका निर्माण होण्याची शक्यता नाकारता येत नाही. पोलिसांनी ९० वाहनांच्या मूळ मालकांना शोधून काढले आहे. बेवारस वाहने ज्या मालकांची आहेत, त्यांनी आपल्या वाहनांची कागदपत्रे दाखवून सात दिवसांत घेऊन जावीत अन्यथा, पोलिसांकडून त्या वाहनांचा लिलाव केला जाईल व पुढील प्रक्रिया पूर्ण करण्यात येईल. त्यातून आलेली रक्कम सरकारी तिजोरीत जमा केली जाईल, अशी माहिती शिक्रापूर पोलीस ठाण्याचे पोलीस निरीक्षक दिपरतन गायकवाड यांनी दिली.

पोलीस ठाण्यात शेकडो वाहने विविध गुन्ह्यांत पोलीस जप्त करतात. मात्र, न्यायालयीन प्रक्रियेमुळे व बेवारस वाहनांचे मालक मिळून येत नसल्याने ही वाहने पोलीस ठाण्याच्या आवारात अनेक वर्षे मालकांच्या प्रतिक्षेत धूळखात पडून आहेत. या पार्शवभूमीवर जिल्हा पोलीस अधीक्षक पंकज देशमुख, पुणे ग्रामीण यांनी पुढाकार घेत बेवारस

वाहनांच्या मालकांचा शोध घेत ती वाहने त्यांच्या ताब्यात देण्याचे आदेश पोलिसांना दिले. त्यानुसार पुणे ग्रामीणचे अपर पोलीस अधीक्षक रमेश चोपडे, शिरूर विभाग, उपविभागीय अधिकारी प्रशांत ढोले यांच्या मार्गदर्शनानुसार शिक्रापूर पोलिसांनी बेवारस वाहनांच्या मालकांचा शोध घेण्यास सुरुवात केली. त्यासाठी पोलिसांनी परंदवाडी

(ता. मावळ, जि. पुणे) येथील गंगामाता वाहन शोध संस्थेची मदत घेतली. या संस्थेचे अध्यक्ष राम उदावंत यांनी शिक्रापूर पोलीस ठाण्यात येत बेवारस वाहनांची पाहणी केली. राम उदावंत व पोलिसांनी बेवारस वाहनांचे चासी व इंजीन क्रमांकावरन ९० वाहनांच्या मूळ मालकांचा शोध लावला. मूळ मालकांचा शोध लावण्यासाठी पोलीस निरीक्षक दिपरतन गायकवाड, पोलीस उपनिरीक्षक अविनाश थोरात, महीला पोलीस नाईक अपेक्षा टाव्हरे यांच्यासह गंगामाता वाहन शोध संस्थेचे अध्यक्ष राम उदावंत, उपाध्यक्ष बाबासाहेब बागडे, भारत वाघ, गोरख नवसुपे यांनी परिश्रम घेतले.