सलाहुद्दीन शेख

आगामी काळात विविध जातीधर्माचे सण-उत्सव, मिरवणुका व लोकसभा सार्वत्रिक निवडणुकीच्या अनुषंगाने सोलापूर शहर व परिसरात कोणत्याही प्रकारचा अनुचित प्रकार घडू नये म्हणून शहरात कायदा व सुव्यवस्था तसेच शांतता अबाधित राहण्याच्या उद्देशाने सोलापूर शहर पोलीस आयुक्तालय अंतर्गत विजापूर नाका पोलीस स्टेशन हद्दीत सराईत गुन्हे करणारा गुन्हेगार नामे शुभम सिध्दाराम गायकवाड वय २९ वर्षे रा. सुंदरम नगर, विजापुर रोड, सोलापुर हा सदर परिसरात गुंडगिरी करणे, शिवीगाळ दमदाटी व मारहाण करुन दहशत निर्माण करणे सदर परिसरातील लोकांच्या जिवीतास हानी पोहचविणे तसेच अवैधरित्या मटका चालविणे, महिलांना लज्जा वाटेल असे कृत्य करणे अशा प्रकारचे गंभीर स्वरूपाचे एकुण ०६ गुन्हे दाखल आहेत. त्यामुळे त्याचेविरूध्द महाराष्ट्र पोलीस अधिनियम १९५१ चे कलम ५६ (१) (अ) (ब) प्रमाणे मा. पोलीस उपायुक्त परिमंडळ साो, सोलापूर शहर यांचे आदेश पारित झाले होते. त्यास दि. १८/०३/२०२४ रोजी विजापुर नाका पोलीस स्टेशन कडून ताब्यात घेवुन सोलापूर शहर व उर्वरित सोलापुर जिल्हा व धाराशिव जिल्हातून दोन वर्षाकरीता तडीपार करण्यात आलेले आहे. त्यास तडीपार केल्यानंतर तळेगांव दाभाडे, चाकण रोड, पुणे येथे सोडण्यात आलेले आहे. सदरची कामगिरी ही मा. पोलीस आयुक्त एम. राजकुमार यांच्या मार्गदर्शनाखाली मा. पोलीस उपायुक्त (परिमंडळ) विजय कबाडे, मा. सहा. पोलीस आयुक्त (विभाग ०२) अजय परमार, वपोनि/विजापुर नाका पोलीस स्टेशन दादा गायकवाड, दुपोनि/संगीता पाटील, सपोनि/शितलकुमार गायकवाड, पोशि/१४८९ रमेश कोर्सेगांव यांनी केली आहे.

वरिष्ठ पोलीस निरीक्षक विजापूर नाका पोलीस ठाणे सोलापूर शहर