सलाहुद्दीन शेख

ठाणेनगर पोलीस स्टेशन, ठाणे शहर आणि गंगामाता वाहन शोध संस्थेने गुन्ह्यातील जप्त व रेकॉर्ड वरील व रेकॉर्डवर नसलेल्या बेवारस ६७ वाहनांच्या मुळ मालकांचा लावला शोध

ठाणेनगर पोलीस ठाणे येथे जप्त रेकॉर्डवरील/बेवारस वाहने पोलीस ठाणेच्या आवारात, राबोडी पोलीस स्टेशन, कळवा पोलीस स्टेशन व डायघर पोलीस स्टेशनच्या हद्दीमध्ये बऱ्याच वर्षापासून धुळखात पडून आहेत. ऊन, वारा, पावसामुळे त्यांना गंज लागून वाहनांची झीज झाली आहे. बऱ्याच वाहनावरील रजिस्ट्रेशन नंबर, चेसीस नंबर, इंजिन नंबर गंजलेले आहेत. त्यामुळे शोध घेताना बरीच अडचण येत आहे. तसेच सदर ठिकाणी दुर्गधी पसरल्याने पोलीसांच्या आरोग्याला धोका निर्माण होण्याची शक्यता नाकारता येत नाही. म्हणून बेवारस वाहने ज्या मालकांची आहेत त्यांनी आपल्या वाहनांची कागदपत्रे ठाणेनगर पोलीस स्टेशन, ठाणे शहर येथे दाखवून सात दिवसांच्या आत घेवून जावे अन्यथा पोलीसांकडून त्या वाहनांची कायदेशीर प्रकीया पुर्ण करण्यात येईल असे आवाहन ठाणेनगर पोलीस ठाण्याचे वरीष्ठ पोलीस निरीक्षक,विजयकुमार देशमुख यांनी केले आहे.

पोलीस ठाण्यात शेकडो वाहने विविध गुन्ह्यात पोलीस जप्त करतात मात्र न्यायालयीन प्रकीयेमुळे व बेवारस वाहनांचे मालक मिळून येत नसल्याने ती वाहने पोलीस ठाण्याच्या आवारात व पोलीसांच्या मोकळ्या जागेवर अनेक वर्ष मालकांच्या प्रतिक्षेत धुळ खात पडून आहेत. या पार्श्वभुमीवर ठाणे शहरचे मा. पोलीस आयुक्त आशुतोष डुंबरे साो, मा. पोलीस सह आयुक्त, ज्ञानेश्वर चव्हाण साो, मा. अपर पोलीस आयुक्त, पश्चिम प्रादेशिक विभाग, ठाणे, विनायक देशमुख, परिमंडळ १ चे मा. पोलीस उप आयुक्त सुभाष बुरसे साो, नौपाडा विभागाचे मा. सहाय्यक पोलीस आयुक्त, श्रीमती प्रिया डमाळे मॅडम यांनी बेवारस वाहनांच्या मालकांचा शोध घेवून ती वाहने मुळ मालकांच्या ताब्यात देण्याचे आदेश प्रभारी अधिकारी यांना दिले आहेत. त्यानुसार वरीष्ठ पोलीस निरीक्षक विजयकुमार देशमुख, ठाणेनगर पोलीस ठाणे यांच्या मार्गदर्शनानुसार श्रीमती द्वारका डोखे, पोलीस निरीक्षक (प्रशासन) व म.पोहवा/रोडी, पोहवा/सावंत यांचे पथक नेमून त्यांना आदेश दिले. त्यासाठी नमुद पथकाने परंदवाडी, तळेगांव दाभाडे, ता. मावळ, जि. पुणे येथील महाराष्ट्रात अग्रेसर असलेल्या गंगामाता वाहन शोध संस्थेचे अध्यक्ष राम उदावंत यांची माहिती काढून त्यांची मदत घेतली. राम उदावंत यांनी ठाणेनगर पोलीस ठाणे येथे येवून अभिलेखावरील सर्व वाहनांची पाहणी केली. वर नमूद अंमलदारांच्या मदतीने सर्व वाहनांचे चेसीस नंबर, इंजिन नंबर क्रमांकावरून वाहनांच्या मुळ मालकांचा शोध घेणेकरीता सर्व प्रादेशिक परीवहन विभाग येथे पत्रव्यवहार करून मुळ मालकांचा शोध घेतला. तसेच गंगामाता वाहन शोध संस्थेच्या मदतीने वाहन मालकांना पत्र पाठविण्यात येणार आहे. तरी सदरच्या वाहन मालकांनी पत्र मिळताच पोलीस ठाण्यात येऊन आपले वाहन तपासुन खात्री करून कागदपत्रे दाखवुन योग्य ती कायदेशीर प्रक्रिया पुर्ण करून आठ (०८) दिवसांत ठाणेनगर पोलीस ठाणे येथुन घेवून जाण्याचे आवाहन करण्यात आले आहे.

तरी सदरची वाहने घेवून न गेल्यास कायदेशीर प्रक्रीया पुर्ण करून त्यांचा लिलाव केला जाईल व त्यातून आलेली रक्कम सरकारी तिजोरीत भरण्यात येईल असे वरीष्ठ पोलीस निरिक्षक विजयकुमार देशमुख यांनी सांगितले आहे.